Bökum brauð til að mótmæla hveitiverði

Umhverfisssinnar mótmæla álverum með því að vefja álpappír utanum styttur

Atvinnubílstjórar mótmæla eldsneytisverði með því að eyða (óþarfa??) eldsneyti í að aka á staði sem þeir hefðu ekki farið á annars.

Bakarar mótmæla hækkandi hveitiverði með því að baka fleiri brauð.

Landinn drekkur meira whishey til að mótmæla hækkandi byggverði

 

 

Þar sem "allir" virðast núna vera allsvakalega uppteknir af mótmælum út af hækkandi eldsneytisverði þá datt mér það í hug að fara aðeins á stúfana og kanna eldsneytisverð í nokkrum löndum.  Svosem verið gert áður þannig að ég er ekkert að finna upp hjólið hérna.  Þær síður sem ég notaði við leitina eru hérna fyrir neðan og svo kemur einhverskonar niðurstaða þar fyrir neðan.

 

 

Eldsneytisverð í Noregi: http://www.dinside.no/php/oko/bensin/vis_prisliste.php

Eldsneytisverð í Danmörku: http://www.fdmbenzinpriser.dk/

Eldsneytisverð í Svíþjóð: http://www.bensinpriser.se/default.asp

Eldsneytisverð í Bretlandi: http://www.petrolprices.com/

Gengisskráning Seðlabanka Íslands:  http://sedlabanki.is/?PageID=7

Atlantsolía:  http://atlantsolia.is

Egó: http://ego.is

ÓB: http://www.ob.is/eldsneytisverd/

 

 

Það eru ýmis verð í gangi í þessum löndum og því tók ég bara lægstu og hæðstu verð sem ég fann á þessum síðum og þá er útkoman einhvernvegin svona

 

Bensín 95 oktana

 

Ísland: 143,9 - 145,9

Noregur: 155,78 - 191.93

Danmörk: 162,78 - 165,25

Svíþjóð: 144,63 - 145,99 

Bretland 149,49 - 171,06

 

Diesel

 

Ísland:  153,0 - 157,0

Noregur: 155,78 - 194,69

Danmörk: 157,05 - 161,38

Svíþjóð: 121,94 - 138,63

Bretland: 160,99 - 184,01

 

 

Eins og sést hérna þá erum við bara alls ekkert í neitt slæmum málum miðað við úrtakslöndin.  Auðvitað gæti ég komið með tölur frá öðrum löndum eins og Grikklandi þar sem verðlag á svo til öllu held ég er lægra en alls staðar annarstaðar.  En ég held að það hefði bara gefið óraunhæfar niðurstöður.

Því áhvað ég það bara að þetta væru nokkuð samanburðarhæf lönd og lét þar við sitja.

Nú, eins og ég sagði þá komum við ekkert illa út úr þessu.  Eina talan sem sker sig eitthvað úr að ráði er dieselverð í Svíþjóð.  Grunar að það sé eitthvað með skattamál að gera en get þó ekki fullyrt neitt um það.

 

En auðvitað er það allt satt og rétt sem heyrst hefur í þjóðfélaginu að eldsneytisverð hefur hækkað allsvakalega undarfarið.  En er það eitthvað sem ríkisstjórn Íslands á að skipta sér að ?  Á ríkið að niðurgreiða eldsneyti svo landinn geti keyrt meira ?  Á ríkið að niðurgreiða hveiti og hrísgrjón þegar þær hækkanir fara að hafa áhrif hérna á skerinu  (Ef það er þá ekki byrjað)? Á ríkið að niðurgreiða veiðileyfi í laxveiðiár svo ég og aðrir í hópi sauðsvarta "pöpulins" tími að flengja sprænur með flugu?  Hvað með ef að byggverð hækkar ...  Á ríkið að niðurgreiða bjór og Whiskey svo ég geti drukkið meira ?

Á ríkið að byggja fleiri golfvelli í nágrenni stórhafnarfjarðarsvæðisins til að minnka biðlistana í golffélögin ?

 

Hvar liggja mörkin á milli skynsamlegra og óskynsamlegra mótmæla?

 

Hér kemur mín túlkun á þessu öllu saman.

Verktaki sendir inn tilboð um að gera eitthvað verk fyrir milljón kall.  Væntanlega hefur hann við tilboðið gert ráð fyrir eldsneytiskosnaði, launagreiðslum, eðlilegu viðhaldi á tólum og tækjum og svo allavega gjöldum sem falla til við svona aðgerð.  Gefum okkur að verktakinn hafi áætlað sem svo að heildargróðinn úr þessu verki sé 1oo.ooo kall.  Núna hækkar innkaupsverðið á dieselolíu hjá Esso um x margar krónur.  Ofan á það bætist svo X margar krónur í vask.  (Þungaskatturinn og olíugjaldið er að mig minnir föst krónutala).

Núna gefur það auga leið að hagnaðurinn af verkinu minnkar.  Og þar sem upphaflega var samið um fasta krónutölu í verkið þá er væntanlega ekkert við því að gera og verktakinn verður einfaldlega að bíta í það súra.  Þarna eru mótmæli mjög skiljanleg og það má vel færa rök fyrir því að þau séu skynsamleg.

 

Svo er kannski einhver sem vinnur hjá þessum verktaka.  Hann hefur dágóða  bíladellu og þegar gengið var hagstætt þá keypti hann sér nýjan Cruiser og lét breyta honum fyrir segjum 1.5oo.ooo svo hann gæti spænt upp á jökla.  Svo hækkar gengið þannig að í stað þess að borga 9o.ooo af bílaláninu þá þarf hann núna að borga 12o.ooo.  Svo bætist auðvitað hækkandi eldsneytisverð við þannig að staðan er þannig að Cruiserinn stendur bara heima í hlaði og umráðamaðurinn hefur ekki efni á því að fara á fjöll.  (Nota hér umráðamaður þar sem bankinn er hinn raunverulegi eigandi).  Mótmæli í þessu tilfelli eru alls ekki skynsamleg.  Ég tel einnig að þau séu ekki skiljanleg.

 

Auðvitað bölva allir í hljóði yfir hækkandi eldsneytisverði.  Ég játa það hiklaust að ég geri það.  En það er greinilegur munur á að mótmæla einhverju sem hefur bein áhrif á rekstur þíns fyrirtækis eða að mótmæla því að þú getir ekki stundað þitt hobby eins mikið og þú kannski vilt.

 

Vörubílstjórar hafa að mínu viti allan rétt til að mótmæla.  Ég er að vísu ekki eins viss hversu lengi þeir eiga að halda áfram.  Þeir eru búnir að koma sínum sjónarmiðum á framfæri og mér finnst það vera spurning hvort þeir ættu ekki að taka sér smá pásu núna og reyna frekar að knýja á að vinnunni sé flýtt.  Hr. Möller segjir að það sé verið að vinna í því að fá reglum um hvíldartíma breytt.  Það er gott og vel.  Auðvitað tekur það einhvern tíma en það má örugglega stytta hann eitthvað með einbeittum vinnubrögðum.  Þarna kemur eitthvað sem heita samningar að góðum notum held ég.  Vörubílstjórar hætta mótmælum gegn því að vinnunni sé hraðað eins mikið og unnt er.  Einhverstaðar heyrði ég um daginn að það ætti að vera hægt að breyta þessu upp í ráðuneyti með einu pennastriki eins og gert var með loðnukvótann núna á nýlokinni vertíð (ef vertíð skyldi kalla).  Ég held að það sé bull.  Loðnudæmið þurfti ekki að fara í gegnum nefnir og ráð í skriffinskubákninu í hinu háa Brussel.  Hvíldartímabreytingin mun alltaf taka lengri tíma og það verða menn að skilja.  En ég er alls ekkert viss um að "handrukkunaraðferðin" virki á Brussel.  Þannig að verum núna góðir strákar og lofum mönnunum að vinna í friði.  Þó ekki væri nema í smá tíma.

 

Annars er það umhugsunarefni afhverju það er að ef að það koma drög af einhverjum reglum í Brussel þá eru þau komin í lög hér daginn eftir ...  En það er efni í annann pistil. 

 

Fleira er ekki í fréttum

 

Gætilegur akstur á glæfralegum vegum

Mikið er búið að vera að tala um tvöföldun Reykjanesbrautar.  Það mikið reyndar og í svo mörg ár að maður skyldi ætla að því verki ætti nú að vera lokið.  En þar sem ég verð að viðurkenna hafandi heyrt fréttir svona öðru hvoru, að ég veit að það er ekki alveg svo.

En gæti það verið að það séu einhverjir þarna úti sem viti þetta bara alls ekki ?  Ég sem vitiborin manneskja (reyni í það minnsta að halda því fram) reyni að halda mínum akstri eins og aðstæður bjóða upp á.  Í því fellst það að ef að ég er að aka vegi sem ég þekki ekki neitt, þá ek ég hægar og reyni að fylgjast betur með þeim hættum sem kunna að verða á vegi mínum.  Núna er ég ekki kunnugur Reykjanesbrautinni.  Sjálfsagt ekki ekið hana nema tvisvar eftir að byrjað var að breikka hana.  Ég hef því ekki vitað það fyrirfram hvar ég er á tvöföldum vegi og hvar á einföldum.  

 Ég fylgist því með merkjunum svo ég fari nú ekki að aka á móti umferð.  Ég veit hvenær það er hálka og hægji því á mér þegar hún blessunin er að flækjast fyrir mér.  Ég veit hvernig bíllinn minn hagar sér í slabbi eins og mér skilst að sé þónokkuð oft á brautinni og því hægji ég á mér við slíkar aðstæður.  Ég veit einnig hvað ég sé langt  og held því hraðanum þannig að ég geti haft í það minnsta raunhæfa möguleika að stöðva ef að eitthvað (fastur Jaris t.d.*) birtist allt í einu fyrir framan mig Og þannig mætti lengi halda áfram.

Nú ...  Það sem hér kemur á eftir eru auðvitað bara getgátur.  Ég hef nú ekki séð neinar handbærar niðurstöður sem sanna mál mitt, en ég vil halda því fram að það sé í það minnsta nógi mikið til í þessu þannig að óhætt sé að slengja þessu fram í sauðsvartann "pöpulinn".

Einhver missir stjórn á bílnum sínum í slabbi þannig að 6 eru fluttir á sjúkrahús ... Niðurstaða:  Ekið of hratt miðað við aðstæður.  (Hef nákvæmlega engar upplýsingar hvort hinn ökumaðurinn hefði getað gert eitthvað til að afstýra slysi, þannig að ég segji pass við því)

Ökumaður ekur beint framan á ökutæki venga þess að hann áttaði sig ekki á því að hann væri á tvístefnuvegi ...  Niðurstaða:  Ökumaður greinilega algerlega og bókstaflega úti að aka !  Ekkert fylgst með merkjum.

 Þessi tvö dæmi eru þau sem ég man eftir núna þar mér finnst ökulag viðkomandi ekki vera alveg við hæfi.  En svo að maður tali nú smá um allar þessar merkingar (eða var það skortur á þeim) ...  Það má alveg vel vera að brautin hafi ekki verið nógu vel merkt, ég get svosem voðalega lítið tjáð mig um það.  En ef að "allir" vita að mörkin milli einbreiða og tvíbreiða vega eru ekki alveg eins og best er á kosið ...  Afhverju í Allah bænum passa menn sig ekki og fylgjast með ??

Fleira er ekki í fréttum.

 

*Jaris er hér aðeins tekinn sem dæmi.  Þetta eru alveg ágætir bílar til síns brúks og komast alveg glettilega mikið í snjó með réttu aksturslagi.  Þetta er því bara saklaus djók og ekkert diss.