Ég flautaði ekki.

Hef aldrei almennilega skilið svona mótmæli ...  Flautið til að mótmæla hávaða og annað slíkt.  Verð að viðurkenna að ég veit nú ekki nákvæmlega hvar þessi blessaða brú er, en er einhver sem myndi heyra í mér ef ég lægi á flautunni eins og geðsjúkur?  Aðrir en samferðamenn mínir í umferðinni.  Annars held ég að það geti verið stórvarasamt að flauta að óþörfu á bílinn fyrir framan sig.  Gæti vel valdið algerlega óþarfa slysi ef viðkomandi hrekkur í kút.

Án þess að ég ætli að telja mig einhvern sérfræðing í mótmælum, þá hlýtur að vera hægt að finna einhverja hentugri leið.

Kær kveðja úr sveitinni.

Ökumenn hvattir til að flauta

Leitað að vitleysingum ???

Hvernig ætli það sé með þessa svokölluðu sportveiðimenn ...  Ætli það sé þannig að það sé hluti af sportinu að tínast einhverstaðar í óbyggðum?  Það er allavega þannig að þegar rjúpnaveiðitímabilið hefst þá bíð ég ávallt spenntur til að sjá hversu langur tími líður áður en björgunarsveitin er kölluð út til að "bjarga" einhverjum misgáfulegum skyttum.

Er ekki hægt að skylda þessa menn til að hafa í farteskinu eitt stykki gps eða svo fyrst þeir eru svona óratvísir ???

Veit vel að langstæðsti hluti veiðimanna kunna að haga sér í óbyggðum og vil ég taka það skýrt fram að ég er ekki að tala um þá.  En það er í þessum hóp sem öðrum að það eru alltaf einhverjir kolsvartir álfar sem láta alla líta illa út.

Ef ég mætti ráða þá væri það þannig ef að björgunarsveitinn mætir á svæðið og þú ert svo vitlaus að hafa ekki vit á því að hafa gps (sem kostar nú ekki þannig peninginn miðað við allt hitt sem þeir eru að burðast með) þá er það bara milljón kall í sekt fyrir að ónáða sjálfboðaliðana að óþörfu !!!

En kannski sem betur fer fyrir þá, þá ræð ég víst voða litlu um það og veit reyndar að björgunarsveitirnar myndu aldrei krefjast launa fyrir störf sín.  Þannig að þá er það bara spurningin hvort einhver þeirra sem hefur verið "bjargað" hafi haft vit og rænu til að borga þeim fyrir að fyrra bragði.  Og þá er ég ekki að tala um hið ótrúlega "góðverk" að kaupa 2 rakettur um áramótin heldur að borga í raun og veru einhvern pening til að ná þó ekki nema eitthvað upp í kosnað sveitarinnar.

Maður spyr sig ...  og aðra ...

 

Leitað að rjúpnaskyttu

Barcelona á flugi ... floti

Alveg er það magnað að horfa á þetta lið spila fótbolta í dag.  Segji þetta þótt ég haldi ekki hið minnsta upp á þetta lið í spænska. 

Var á vellinum síðustu helgi og horði á þá legga Almeria af velli.  Hugsa að hálfleiksræðan hjá Börsungum hafi hljómað einhvernvegin þannig að þeir ættu að slaka á svo leikurinn færi ekki 10-0 eða meira.  Allavega skoruðu þeir ekkert í seinni hálfleik og voru mun slakari en þeir voru í þeim fyrri.  Leikurinn fór því "aðeins" 5-0

En áfram Real Madrid ...   Megi þeir vinna Almeria á morgun (dag) og ná Barcelona að stigum

 

Barcelona á sigurbraut

Kreppa, rétta.

Sælt veri fólkið.  Mundi það allt í einu all skyndilega að þessi síða væri til.  Það er nú spurning um að henda hérna inn einni færslu eða svo til að gera eitthvað á þessum síðustu og verstu. 

Annars hafa undanfarnir dagar ekkert verið svo slæmir.  Meðan að gengið er í mestu sögulegum eitthvað slæmt þá er veskið mitt í mestu sögulegum eitthvað gott.  Var eimnitt í fréttunum um daginn hvað "allir" síldarsjómenn hefðu það gott.  Varð nú að vísu ekki var við alla þá aura sem nefndir voru í fréttinni, en það er eins og alltaf að ef að einhver sjómaður gerir það gott þá er það talið að allir sjómenn hafi það jafngott ef ekki betra.  En því miður er það ekki alveg raunin.

En ég kvarta nú ekki.  Launin alveg nógu góð til að ferðast svona þegar maður fær frí.  Er einmitt nýkominn frá hinni fögru borg Barcelona sem er hreint út sagt æðisleg.  Verst með þessa spánverja hvað þeir tala mikla spænsku ...  Verð kannski að fara að læra hana bara.  Já og svo verður að fara að kenna þeim að brugga almennilegann bjór!  Þetta spænska sull er ekkert frábært svo ekki sé meira sagt.  Að vísu er Estrella ágætur en hann fæst ekkert alltstaðar.  Á mjög mörgum stöðum sem ég fór á fæst aðeins San Miguel, sem er óttalegt sull.  Svipaður og Egils Gull að því leiti að hann er flatur áður en hann er frameiddur og heldur áfram að vera það.  En það er þá alltaf hægt að fá sér eina hvítvín ef í harðbakkann slær, þannig að maður þarf ekkert að þorna upp þarna frekar en maður vill.

En núna er ég kominn í vinnunna aftur.  Að hrifsa síld úr greipum Ægis.  Einhver verður að sjá um að fá gjaldeyri inn í landið.  Ekki er ríkisstjórnin að gera mikið í þeim efnum.  (Svo verð ég kannski að borga til baka þær evrur sem ég tók með mér út).  Það er spurning hvort maður reyni ekki að vera duglegri hérna á næstunni.  Ætti að geta fundið einhverjar sekúndur til að finna einhverjar fréttir til að gera grín af.  Nenni samt ekki mikið að vera að tala um þessa kreppu.

En kærar kveðjur í land að sinni

Valur.

Lenti í fjórða sæti og hló af öllu saman

Ætli þetta verði aðalfyrisögnin í einhverjum íþróttafréttamiðlinum?

Þetta hlýtur samt að verða ýmsum íþróttamönnum til trafala ef þeir reyna þetta.  Dettur strax í hug stangarstökkvari sem verður fyrir því óláni að litla "stöngin" rekst í slánna á niðurleiðinni ... 

En það skyldi þó aldrei fara svo að kvenþjóðin hafi extra gaman af ólympíuleikunum í ár ... 

Viagra málið á Ólympíuleikunum

Já nú er ég aldeilis hlessa

Aldrei hefði mér dottið í hug að allir þessir náttúrudýrkendur væru svona þenkjandi að vera að klifra upp í heilu kranana svona um hábjartann daginn. 

Fyrri málsgrein er auðvitað uppspuni og lygi frá upphafi til enda ef einhver þarna úti skyldi velkjast í vafa.  Held að ég sé búinn að bíða eftir æsifréttum af þessu örugglega ágæta fólki síðan það birtist eins og skrattinn úr sauðaleggnum (var þetta ekki þannig annars?).

Hef að vísu ekki hætt mér inn á vísi-punktur-is né horft á fréttir af hinum ábyrga fréttamiðli 365, en það er eitthvað sem segjir mér ða ég sé ekki að missa af miklu, svo maður kveði ekki sterkara að orði.

Það er samt eitt í þessari frétt sem ég sakna algerlega.  Um daginn var sagt í fréttum að ótrúlegum ferðamannafjölda upp á Hellisheiði sem var þar gagngert komið til að berja ...  augum þessa mótmælendur.  Hvernig var ferðamannaiðnaðurinn að standa sig á Suðurnesjum í dag?  Er merkjanleg aukning á sölu á pylsum í sjoppum Keflavíkur t.d. ??  Svona lagað á að koma fram í fréttum, ekki spurning.

Kveðja af hafinu stóra.

Einn handtekinn í Helguvík

Risaálver Alcoa

250 Þúsund tonna álver (eða hvað það nú var) og öll orkan kemur frá jarðvarma.  346 þúsund tonn og þá verður að virkja Skjálfanda, allann Skagafjörð og gott ef ekki Amazon líka.  Auðvitað smá ýkjur en er það ekki þannig í fréttinni líka??  Hvað í veröldinni er það sem breytir því að ekki sé hægt að nota varmaorku í 345 þúsund tonn þegar það er vel hægt (að því virðist) í 250 þúsund tonn??

Maður eiginlega veit ekki hvað maður á að segja við svona.  Kannski út af tiltörulega nýföllnum dómum í bloggheimum, kannski ekki.

Held að það sé þó óhætt að segja það að mér finnst þetta vera óttalegt bull.  Hugsa að það verði einhver að koma með handbær rök til að ég skipti um skoðun á því.

Kveðja af hafinu stóra.

Stórt álver kallar á virkjun Skjálfandafljóts

Evra ... Frábært

Vinsamlegast réttu upp hendi ef þú heldur að verð lækki með upptöku evru.

Miðað við gengi upp á 120 kall þá kostar hið sívinsæla bensín í dag eitthvað um 1,5 Evru ... Sem yrði ekki lengi að hækka í 1,6 ef ekki meira þar sem landinn væri ekkert svakalega iðinn við að reikna.  Bjórinn (algengt barverð) er um 4,166666.... evrur, yrði 4,2.  Mjólkin er að ég held um 0,6666... evrur, yrði 0,7.

Tökum nú bara þessar 3 tölur og skoðum þær aðeins.

Bensín: 3157 Evrur yrðu 3368 Evrur.  Bjórinn 866 Evrur yrði 873 Evrur.  Mjólkin 233 Evrur yrði 245.  Hugsa að þetta sé dæmi sem myndi stemma nokkuð í mínu tilviki í það minnsta.

Samtals yrði þetta 4356 Evrur fyrir breytingu og 4486 eftir breytingu.  Munurinn er 130 Evrur sem gera 15.6oo kall á ári.  Og þetta eru bara 3 vörutegundir!!  Veit ekki hvernig þetta yrði ef allt hitt bættist við.

Ég er ekki alveg að sjá hvernig þessi evruupptaka á að þjóna mér neitt sérstaklega.  Kannski er það út af því að ég er ekki kaupmaður... 

Kveðja af hafinu stóra.

 

Evruleið fremur en aðildarleið?

Gullfoss og Geysir og Seifing Æsland

Er þetta nú orðið nýjasta trendið hjá ferðamanninum ?  Að leggja heilann krók á leið sína til að skoða einhverja mótmælendur upp á fjöllum sem í þokkabót eru ekkert á staðnum því það kom smá skúr og þeir flúðu svæðið.  Sitja núna í góðu yfirlæti og drekka Miss Swiss heima í stofu hjá einhverjum sem styður þetta á "hljóðlátann hátt".

Hvað merkir það annars ?  Ef að ég sé einhvern ferðamann, mótmælenda, háskólarektor eða hvað sem er og býð honum að koma inn í kakó og kleinur svo greyjið blotni ekki til dauða í rigningarúðanum, er ég þá að styðja hann í þeirri baráttu sem hann er í, hver sem hún kann að vera?

Annars gæti þetta ágæta fólk sem kom þessum greyjun inn af götunni allt eins verið virkjunarsinnar sem voru einfaldlega að forða því að aðrir sæju þá og hlýddu á boðskap þeirra.

En ef það er rétt sem kemur fram í fréttinni (sem ég efast svosem ekkert um), er þá ekki réttast að koma á virkjunaráformum út um allt?  Dreifa þessu bróðurlega um landið, eitthvað á suðurlandsundirlendið, Snæfellsnes, Vestfirði, Norðurland vestra og Austurland?  Þetta hlýtur að verða til þess að ferðamannaiðnaðurinn á þessum stöðum getur farið að blómstra með öllum þeim ferðamönnum sem einhverra hluta vegna finnst gaman að skoða mótmælendur.

Þannig að:  Áfram mótmælendur svo sjoppueigendur og gististaðir græði

PS.  Sleppti Norðurlandi Eystra viljandi þar sem ég geri ráð fyrir því að seifing Æsland kíkji nú á Bakka þegar þar að kemur.

Kveðja af hafinu stóra.

Styðja Saving Iceland á hljóðlátan hátt

Alröng frétt, part II

Ungur þýskur námsmaður fékk að kynnast af eigin raun gagnsemi reykinga.  Heinz Müller var staddur við heimili móður hans þar sem hann ætlaði að skutla henni á bingókvöld.  Var sú gamla eitthvað lengi á leiðinni út þannig að Heinz stökk út og kveikti sér í vindling.  Á meðan hann var að totta vindlinginn vildi ekki betur en svo að heljarinnar traktor með tengivagni og öllum græjum rann stjórnlaust á bílinn og endaði ofan á honum.  Heinz sagði í samtali við fréttamann að móðir hans hefði í mörg ár reynt að fá hann til að hætta að reykja en nú í dag væri aðeins annað hljóð í gömlu. "Ef að ég væri ekki reykingarmaður þá væri ég dauður", sagði Heinz.  Þess má geta að gamla konan fékk far með traktornum á bingókvöldið þar sem hún vann splunkunýjann BMW sem hún gaf syninum.

Hefði þessi frétt verið birt á mbl.is ef sönn væri ...  Held ekki.