Mig var lengi búið að gruna þetta

Og nú er komin nokkurskonar staðfesting á því frá forstjóra fangelsismálastofnunar.  Önnur eftirfarandi setninga hlýtur því að vera sönn.

Allir glæpamenn landsins eru semsagt frá Höfuðborgarsvæðinu* og því skal vista þá alla nálægt heimabyggð.

Allir glæpamenn landsins hafa yfir fengitímann slysast til að hafa verið á Höfuðborgarsvæðinu* þegar áhveðinn athöfn átti sér stað og því eru öll börn glæpamanna Höfuðborgarbúar*.

 *Í þessu tilviki mætti kannski tala um Höfuðborgarsvæðið sem allt það rými sem er innann hérumbil 100 km radius frá 101.

En annars má vel taka undir það að það sé óþarfi að fara með fanga eins og búfénað. 


mbl.is Verksmiðjur, gámar og ísbrjótar duga ekki
Tilkynna um óviðeigandi tengingu við frétt

Alltaf er þetta eins

Á Íslandi kýs maður flokka en ekki fólk.  Þrátt fyrir að mér líki alveg ágætlega við Lilju þá gat ég aldrei kosið hana eina og sér.  (Kannski einna helst vegna þess að hún er ekki í sama kjördæmi og ég).

Og Visntri Græna vil ég helst alls ekki kjósa bara vegna þess að í þeim hópi var ein ágæt stúlka.

En hér er mergurinn málsins.  Vegna þess að ég get ekki kosið persónur heldur bara flokka, þá á sá aðili sem segir sig úr þingflokk umsvifalaust að hypja sig heim og láta aðra um stjórnvölin.  Skiptir þá engu máli hversu frábær þessi einstaklingur er.

Haldið þið að það geti verið eðlilegt að hafa svipaða stöðu eins og er í bæjarpólitíkinni í Grindavík núna ? Þar er flokkur í meirihlutasamstarfi sem var ekki einu sinni í framboði við síðustu kosningar.

Annars óska ég Lilju og Atla velfarnaðar í því að sprengja þessa stjórn í tætlur.


mbl.is Ætla ekki að styðja stjórnina
Tilkynna um óviðeigandi tengingu við frétt

Það er svona að keyra eins og ...

...Vil nú ekki segja orðið ...  Verð örugglega kærður þá.  Held að það sé ennþá löglegt að hugsa þannig að ég geri ekkert annað núna.


mbl.is Líknarbelgir blésu út í holunum
Tilkynna um óviðeigandi tengingu við frétt

Óttalegt væl er þetta

Auðvitað minnka öll umsvif hjá öllum aðilum þegar umferðin stoppast svona.  Auðvitað eru færri ferðamenn á landinu vegna þess að það er ekki flogið eins mikið.  Auðvitað er fullt af afbókunum þegar væntanlegir ferðamenn vita ekki einu sinni hvort og hvenær þeir komast heim aftur.

 Auðvitað lagast þetta allt þegar gosdið minnkar það mikið að hægt er að halda uppi eðlilegri flugumferð.  Auðvitað flykkjast ferðamennirnir þá til Íslands sem aldrei fyrr.

En hvaða bull er það að tala bara um þá sem eru ekki að græða eins mikið og á sama tíma á síðasta ári.  Athugið að það er ekki nokkur kjaftur búinn að tapa svo mikið sem einni krónu, bara ekki búinn að græða eins margar.  En hvað um þá sem eru búnir að græða á gosinu?  Hótel Rangá, þyrluþjónusturnar (þetta á kannski meira við um fyrra gosið að vísu), rútufyrirtækin, Staðarskáli, flugvöllurinn á Akureyri, hin ýmsustu fyrirtæki á Akureyri ...  Það talar enginn um það?  

Bara talað um þessi aumingja grey fyrir sunnann sem væla og skæla sem aldrei fyrr.

 Kveðjur úr sveitinni þar sem allir græða.


mbl.is Miklir fjármunir tapast
Tilkynna um óviðeigandi tengingu við frétt

Hefur maðurinn aldrei heyrt um spendýrstegundina hval ??

Þetta spendýr er sagt nærast á loðnu.   Heyrði einhverntíman tölur frá Hafró sem sögðu að hvalastofninn væri að háma í sig 1-2 milljónir tonna af loðnu á ári.  Svo er verið að grenja úr sér öll líffæri ef mannskepnunni dettur í hug að veiða 1/20 úr milljón tonnum.

 

Annars held ég að ég verði að benda á þetta blog: http://kristinnp.blog.is/blog/kristinnp/entry/988032/

Ég er svosem enginn sérfræðingur á þessu sviði en eins og þetta er sett fram þarna þá er ég alveg að trúa því að það sé í það minnsta nokkuð mikið til í þessu.

 

 


mbl.is Loðnan að hverfa vegna hlýnunar sjávar?
Tilkynna um óviðeigandi tengingu við frétt

Auðvitað á að afnema þennann óréttláta afslátt

Auðvitað á að afnema sjómannaafslátt hjá fiskimönnum.  Vil ekki taka þá af gæslunni eða hafró þar sem starfsmennirnir þar eru ríkisstarfsmenn á föstum launum sem hafa varla hækkað svo miklu nemi.  Afslátturinn var settur á á sínum tíma sem tímabundin lausn og það er örugglega allt hárrétt sem allir í 101 eru að segja, að afslátturinn sé barn síns tíma og eigi ekki rétt á sér lengur.

 

En það er sitthvað fleira sem ætti að gera til að ég geti verið sammála fyrstu málsgreininni.

 

Það er annar hluti í sambandi við launagreiðslur sjómanna sem var settur á á sínum tíma sem tímabundin lausn.  Það er olíugjaldið.  Auðvitað á að minnka það umtalsvert.

Báturinn sem ég er á er á þessu ári búinn að skila inn aflaverðmæti upp á 750 milljónir rúmar. Til að fá þessar milljónir höfum við eytt 1.790.000 lítrum af gasolíu.  30% af aflaverðmæti gera 225 milljónir sem er þetta svokallaða olíugjald.  Á heimasíðu Atlantsolíu er uppgefið verð á gasolíu 71,60 kr pr. líter (miðað við afslátt upp á 100-200 tonn á mánuði sem við erum vanalega að taka)

Það gerir 128 milljónir tæpar.  Mismunurinn 97 milljónir er þar af leiðandi beinn styrkur áhafnarinnar til útgerðarinnar.

 

NÍUTÍU OG SJÖ MILLJÓNIR !!!!

 

Athygli skal vakin á því að þarna miða ég við opinbert listaverð.  Veit ekki hvað útgerðin er að borga fyrir sopann en það er alveg morgunljóst að þeir eru ekki að borga hærra verð en þetta.  Styrkurinn er því í raun eitthvað hærri.

 

Það er hárrétt sem sagt hefur verið að laun MARGRA sjómanna hafa hækkað vel síðustu 2 árin.  En hvað hefur gerst síðustu 2 árin ?  Evran er komin úr 80 krónum upp í rúmlega 180 krónur.  Samningurinn minn við útgerðina hljómar upp á afurðaverðstengingu þannig að þegar útgerðin selur sínar afurðir úr landi þá fæ ég auðvitað meiri pening fyrir tonnið en ég gerði fyrir 2 árum síðan  Á sama hátt lækka ég í launum ef gengið hættir að vera í bullinu.

Eftirlæti allra landsmanna Steingrímur J. sagði í viðtali við mbl.is að þar sem sjómenn hefðu það svo gott í dag þá væri rétt að taka af þeim sjómanna afsláttinn.  Gott og vel.  Sumir sjómenn eru það heppnir að núverandi hátekjuskattur af heildarlaunum í besta mánuðinum étur upp sjómannaafsláttinn fyrir heilt ár.  Þarna gæti ég verið að tala um það fá skip að ég þarf ekki fleiri putta en ég hef til að telja þá upp.

 

En hvað gerist ef gengið lækkar ??  Fæ ég þá afsláttinn aftur ??  Eða verður trygging á genginu þannig að evran fari aldrei undir 170 krónur ??  Alveg pottþétt ekki.  Þeir sem eru á kjarasamningum eins og ég gera ráð fyrir að gengið sveiflist.  Stundum "tapa" ég og stundum græði ég. 

Ég fékk bréf sent heim um daginn frá SP fjármögnun.  Þar var mér boðið að lækka greiðslurnar á myndkörfuláninu sem ég tók niður í svipaða upphæð sem ég var að borga í byrjun.  Gerði á sínum tíma ráð fyrir að gengið sveiflaðist um kannski 30%.  Á þeim tíma datt mér ekki í hug að það myndi rjúka upp um 150% eða hvað það nú er.  Það væri gaman að gera samning um að skiptahluturinn minn miðaðist alltaf við evruna ekki lægri en 170 krónur.  En ég geri mér fyllilega grein fyrir því að það kæmist aldrei í gegn vegna þess að þessi tillaga er fáranleg í mesta lagi.  En samt er allt í lagi að rífa meira af laununum mínum en nú þegar er gert fyrst að gengið er svona hátt.  Óttalega skrítin skrúfa það.

 

Auðvitað eiga allir sem geta að borga sinn skatt.  Ég er mjög stoltur að því að hafa menntað mig til að starfa við það sem ég starfa.  Ég er mjög sáttur við að launin mín séu háð gengi þannig að ég þéna meira á sama tíma og cheriosið hækkar í Bónus.  Ég finn þannig minna fyrir þessari meintu kreppu en margur annar.  Ég hef alltaf borgað minn skatt með bros á vör, vitandi að peningurinn fer í gáfulega hluti, eins og að borga Steingrími J. launin sín, borga fáeinum listamönnum laun fyrir að sitja heima og vinna 3 daga á ári, auka peningastaflann í skúffum ráðherra svo þeir geti greitt frændum sínum "ráðgjafalaun" og aðra nauðsynlega hluti.  Annað mætti nefna og geri ég það kannski síðar.

 

Listamannalaunin já.  Það var eitt af allra fyrstu málum ríkisstjórnarinnar að hækka fjölda listamanna sem fá greitt úr 1200 manns í 1600 manns.  Upphæðin er 266.737 krónur á mánuði sem gera þá 1,28 milljarð á ári fyrir þessa 400 manns sem aukningin er.  Sjómannaaflátturinn er til samanburðar ekki nema skitnir 1,1 milljarður.

Skúffupeningarnir.  Hef heyrt að þeir séu 200 milljónir á ráðherra. Get þó ekki með vissu sagt að sú upphæð sé rétt.  Núna sitja 12 ráðherrar á þingi sem gera þá ef þessar tölur eru réttar 2,4 milljarðar.  Fullt af þessum peningum fer pottþétt í góða hluti.  Ætla mér alls ekki að efast um það.  En hversu mikið fer í það sem hinn almenni borgari myndi kalla bruðl og vitleysu ?  Það væri gaman að vita.  Gagnsæið þarna er líklega það sama þó eins og í öllu öðru, minna en ekki neitt.

 

Dagpeningar opinberra starfsmanna.  Veit ekki hvað ég á að segja um þetta.  Dagpeningar eiga fyllilega rétt á sér og ég mun seint eða aldrei fara fram á afnám þeirra.  En það mætti kannski þrengja reglurnar aðeins. Á vef ríkisskattstjóra má finna eftirfarandi klausu:

"Dagpeningar eru greiddir vegna tilfallandi ferðalaga launþega á vegum launagreiðanda utan fasts samningsbundins vinnustaðar. Þeim er ætlað að standa undir kostnaði launþegans vegna fjarveru frá heimili sínu, annars vegar vegna gistikostnaðar, ef um hann er að ræða, og hins vegar vegna fæðiskaupa og annars tilfallandi kostnaðar sem af ferðinni hlýst." (http://www.rsk.is/einstakl/abf/dagp)  Ef þetta ákvæði er rúmt túlkað gæti skrifstofumaður með skrifstofu í 101 sem þyrfti að skreppa upp í Árbæ þá gæti hann farið fram á dagpeninga.  Svolítið gróft dæmi kannski, en þetta er viljandi haft þannig.

 

Hvað annað ætti ég að telja til?  Hvenær skyldi hinn almenni starfsmaður fá ríkistryggða ávöxtun á lífeyri ?  Hvernig getur maður sem er búinn að vera búsettur á Stórhafnafjarðarsvæðinu og er óvart kosinn á þing "flutt" út á land og fengið húsnæðisstyrk?  Einkabílstjórar;  skyldi það vera náttúrulögmál að ef manneskja verður ráðherra þá skynilega hættir viðkomandi að muna hvernig á að keyra bíl og þarf að fá einhvern annann til að sjá um það fyrir sig ?

 

Þjónusta við sjómenn.

Maður hefur oft heyrt að þessi afsláttur sé einhverskonar sárabót fyrir alla fjarveruna frá fjölskyldunni.  Það er ekki alveg rétt og ég held að besta lesning sem ég hef séð um sjómannaafsláttinn sé að finna hér: "http://maeglika.blog.is/blog/maeglika/entry/983612/"

En gefum okkur það að þetta sé sárabót, svona fyst að svo margir halda það.

Fyrir hvað er þetta þá sárabót?  Við skulum miða við að sjómaðurinn sé í góðu plássi og hafi í heildalaun yfir árið 10 milljónir.  Fær hann barnabætur?  Varla.  Fær hann vaxtabætur? Nei.  Getur hann verið heima til að hugsa um veika barnið?  Bara ef hann er svo heppinn að vera heima þá.  Getur hann skroppið til læknis?  Nei, ekki nema hann sé alvarlega slasaður og þyrlan er ekki upptekin við að bjarga hestum.  5. Febrúar 2008.  Þyrla landhelgisgæslunnar er send "austur í sveitir" að leita af grasmótorum (lesist hestum).  Svo fer þyrlan auðvitað ekki í loftið ef það blæs aðeins.  Það er auðvitað ekki hægt að kenna landhelgisgæslunni um þetta allt.  Í einhverjum tilvikum er þetta röng greining hjá lækni í gegnum síma.  Get þó ekki komið með staðfest dæmi um þetta.

En með allt þetta í huga ásamt þvi á mörgum bátum, er ekki gerfihnattasjónvarp (ekkert RUV sem þeir eru samt að borga fyrir), ekkert útvarp nema kannski gufan, NMT símakerfi (ef það er ekki orðið úrelt nú þegar), engir ljósabekkir, ekkert gufubað (oft verið talað um þessa hluti þegar gasprað um allann lúxusinn sem fylgið því að vera á sjónum.

 

Fyrir þessa ekki-þjónustu eru sjómenn landsins að fá einhvern 200.000 kall í skattaafslátt sem er víst alveg svaklegt óréttlæti.  Ég get sagt fyrir sjálfann mig að það breytir voðalega litlu hvort ég borgi 200 kallinum meira eða minna í skatt á ári meðan gengið er í rugli og þar af leiðandi launin mín.  Þegar ég hætti að styrkja útgerðina með beinum hætti með olíugjaldinu þá skal ég glaður afsala mér þessum sjómannaafslætti.  Ekki væri verra ef eitthvað að hinu myndi ná í gegn líka.  Get ekki sagt að vísu að ég sé bjartsýnn á að ríkið fari að afsala sér sínum sporslum.

Ef að ég sæti á þingi í stjórn og þyrfti að sitja inn á minni

skrifstofu og hlusta á einhverja leiðinlega stjórnarandstöðu þingmenn flytjandi enn leiðinlegri ræður, þá vildi ég líka fá einhverjar sporslur fyrir það.

 


mbl.is Sjómenn búa við betri kjör
Tilkynna um óviðeigandi tengingu við frétt

Smá pæling

Er búinn að vera að skoða nokkrar bloggfærslur um þessa frétt og í framhaldi af því þá er ég kominn með eina tilgátu.  Ég hef náttúrulega ekki snefil af sönnunum þannig að þetta er bara tilgáta og kannski hugsanlega skot út í myrkrið ...  en tilgátan hljómar einhvernvegin svona:

Þeir sem eru á móti þessum skattahækkunum eru þeir sem koma til með að borga skattinn þegar/ef hann verður settur á og þeir sem finnst þetta vera afskaplega gott mál eru þeir sem munu halda áfram að borga sín 37%.

Þetta er auðvitað stóryrt og ég veit það að þetta er auðvitað alhæfing.  Ég veit það meira að segja að þetta er röng alhæfing en hún fær nú samt að vera óbreytt.

Það hefur einhverstaðar komið fram að í norrænu samhengi (Svíþjóð og Danmörk þá kannski eina helst) þá er 47% skattur ekkert svo voðalega hár.  Það er örugglega rétt en hafa ber í huga hvað þeir eru að fá fyrir skattinn sinn og hvað við erum að fá fyrir skattinn okkar.  Þarna úti eru menn að fá þjónustu fyrir skattinn, hérna væri frekar hægt að tala um að þjónustan minnki í samræmi við skattahækkanirnar.

Nú er ég svo heppinn að ég er í það góðri vinnu að ég borga hátekjuskatt í dag og er það vel.  Hef aldrei séð eftir einni einustu krónu sem ég hef borgað í ríkiskassann hvort sem það er með beinum eða óbeinum sköttum.  Þó skal það viðurkennast að ég er í dag ekkert sérstaklega kátur.  Ekki út af því að ég þarf að borga skatt heldur afhverju ég er að borga meiri skatt núna en fyrir ári eða svo.  Ég fer hins vegar ekki að falla í þá gryfju að kenna bara sjálfstæðisflokknum um allt.  Veit að það er miklu meira en bara hann sem á sök á þessu.  Einkavæðingarferlið allt, eftirlitið, pólitíkin, stjórnendur fyrirtækjanna og pottþétt eitthvað meira.  Þetta er það sem byrjaði þetta allt og svo kom meira til svo sem eins og alheimslausafjárkreppa.

Einnig fer ég ekkert að blóta Steingrími í sand og ösku þótt hann sé að reyfa þessar hugmyndir.  Kannski heldur hann að hann sé að gera það sem hann getur til að redda skerinu og ef hann er að gera sitt besta þá er ég enginn maður til að skamma hann fyrir það.  Það er hins vegar langur vegur í að ég sé eitthvað sammála honum.  Ég veit það þó að ég er ekki með lausnina.  Gæti hugsanlega komið með einhver drög að henni en ég er voðalega lítið inn í hagfræði þannig að ég læt þá sem þykjast hafa eitthvað vit á hennni um það.  Ég segji svo bara mína skoðun í tilkomandi kosningum, hvenær sem þær nú verða.


mbl.is 47% skattur á launatekjur?
Tilkynna um óviðeigandi tengingu við frétt

Evans er greinilega (raf)magnaður leikmaður

Eða er Droplaugur kannski bara Droplaugur ...  Held að ég hallist að því síðarnefnda.  En þetta voru óneytanlega skemmtileg viðbrögð hjá karlinum
mbl.is Fékk Drogba rafstuð? (Myndband)
Tilkynna um óviðeigandi tengingu við frétt

Er þetta ekki alveg dæmigert

Hvernig er ekki hægt að vita af fjárfestingaraðilum sem segjast ætla koma með að minnsta kosti 126 milljarða króna  ??  Takið eftir því ...  að minnsta kosti.

Fannst nóg um þegar lífeyrissjóðurinn minn (spurning hvað hann verður það lengi) GLEYMDI að gera 4. milljarða kröfu á Straum.  Greinilega allt of mikið að gera í laxveiðiferðum á þeim bænum.

En þegar fjármálaráðherra veit ekki af svona kostum þá held ég að það sé best að hann fari að leita sér að annari vinnu.  Nema hann treysti á það að allir verði búnir að gleyma þessu fyrir næstu kosningar.

Annars er það umhugsunarefni hvað fyrrverandi ráðherra og ráðuneytisstjóri voru að gera með tilboðið niðri á bryggju fyrst það féll kannski í sjóinn.  Héldu þeir kannski að Japanarnir ætluðu að fjárfesta í hvalkjöti?


mbl.is Vilja fjárfesta fyrir milljarð dala
Tilkynna um óviðeigandi tengingu við frétt

Hvernig fangelsi skyldi kauði fara í ??

Þetta er það fyrsta sem mér datt í hug eftir lestur þessarar fréttar.

 Annars finnst mér athugunarefni hverjum dettur það í hug að kæra teiknimyndarpersónu.  Mér vitanlega þá geta þær seint talist ábyrgar gjörða sinna.

 Hef annars lúmskan grun um að engum detti í hug að sakfella Tinna, enda strangheiðarlegur tappi þar á ferð. 

Það getur ekki verið hægt að sakfella Tinna þótt hann hafi fengið  vitlausann og hæfileikalausann  aðstoðarmann.  Það væri frekar að senda kvörtun á umboðsskrifstofuna sem var að leigja hann út.

 Hvað skyldi þessi annars örugglega ágæti Kongóbúi gera ef hann fengi eins og 1 eintak af sígilda barnaævintýrinu um litlu negrastrákana í hendurnar ...

 Veit einhver heimilisfangið hjá honum ??  


mbl.is Tinna stefnt fyrir kynþáttafordóma
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband